Rammasamningur um bílaleigubíla

Í útboði Fjársýslu ríkisins um rammasamning um bílaleigubíla hlaut Höldur-Bílaleiga Akureyrar hæstu einkunn bjóðenda og er því fyrsti kostur þeirra stofnanna, fyrirtækja og sveitarfélaga sem koma að þessum stóra samningi.

Samningurinn nær yfir alla langtíma- og skammtímaleigu innanlands á fólksbílum, jeppum og 7-9 manna smárútum. Markmið útboðsins var að gera einfaldan, skýran og notendavænan samning og tryggja hagkvæm verð og góða þjónustu.

Gefin voru stig fyrir verð, þjónustu við landsbyggðina, úrval og fjölda af rafbílum ásamt umhverfisvottun. Höldur-Bílaleiga Akureyrar uppfyllir þessa þætti einstaklega vel. Góð þjónusta er okkur afar mikilvæg, enda kjörorð okkar Þínar þarfir-okkar þjónusta.

Starfsstöðvarnar eru 20 talsins um allt land, rafbílaflotinn er sá stærsti á markaðnum en hann telur um 750 rafbíla (auk 1.200 tengiltvinnbíla) og þá hefur fyrirtækið verið með umhverfisvottunina ISO14001 frá árinu 2010.

Ofangreindir þættir, auk sterkrar liðsheildar starfsfólks og umboðsmanna Hölds og það traust sem fyrirtækið hefur út á við, skilaði afgerandi niðurstöðum í útboðinu en stigagjöfin var sem hér segir: